باقتين واضحين. ادفع على قد مبيعاتك.

مفيش رسوم مخفية: باقة الـ ١٪ من غير اشتراك وبيتخصم ١٪ بس من كل طلب، والباقة الأساسية بـ ٣٥٠ ج.م في الشهر أو ٤٬٠٠٠ ج.م في السنة (توفّر ٢٠٠ ج.م) من غير أي خصم. لو مبيعاتك أقل من ٣٥٬٠٠٠ ج.م في الشهر، باقة الـ ١٪ أوفر.

النسخة التجريبية المجانية: ١٠ أيام و١٠ طلبات

• من غير أي فلوس: لا اشتراك ولا رصيد ولا خصم على طلبات التجربة.
• كل المزايا مفتوحة: كل القوالب والخطوط والألوان، المنتجات والتصنيفات من غير حد، والتطبيق والإشعارات.
• طلبات حقيقية بتفاصيلها: لحد ١٠ طلبات بتوصلك كاملة باسم العميل ورقمه وعنوانه.
• متجرك مفتوح للزوار: بشريط «متجر تجريبي»، ومش بيظهر في جوجل لحد ما Nexa تنشره رسمي.
• بعد التجربة: تختار باقة الـ ١٪ أو الباقة الأساسية وNexa تنشر متجرك. لو ما اخترتش، المتجر بيتقفل لحد ما تكلّمنا، وبياناتك كلها محفوظة.

الباقات

الباقة الأساسية شاملة إيه؟

• الاستضافة وإطلاق المتجر: مش محتاج تشتري استضافة ولا تدفع لمبرمج. فريق Nexa بيجهّز متجرك.
• منتجات وطلبات غير محدودة: ضيف كل منتجاتك واستقبل كل الطلبات من غير ما الاشتراك يزيد.
• إدارة كاملة للمتجر: الطلبات والمخزون والعملاء والتقارير والفواتير وبوالص الشحن من لوحة واحدة.
• كل التصميمات: كل القوالب والألوان والخطوط، ومن غير علامة Nexa على متجرك.
• ظهور على جوجل: صفحات المتجر والمنتجات جاهزة لمحركات البحث من أول يوم.
• دعم على واتساب: فريق حقيقي بيرد عليك في أي سؤال.

باقة الـ ١٪: إزاي بتشتغل؟

بتشحن رصيد مقدماً بالمبلغ اللي يناسبك (أقل شحنة ١٠٠ ج.م) على InstaPay، وكل طلب بيتخصم منه ١٪ من قيمة المنتجات من غير الشحن، وبتشوف كل خصم برقم الطلب في كشف الحساب. الطلب اللي العميل يلغيه من رابط التأكيد خصمه بيرجع لوحده. لو الرصيد خلص، الطلبات بتفضل توصلك بس من غير بيانات العميل لحد ما تشحن.

أختار أنهي باقة؟

احسبها بمبيعاتك: ١٪ من ٣٥٬٠٠٠ ج.م = ٣٥٠ ج.م. لو بتبيع أقل من كده في الشهر، باقة الـ ١٪ أوفر لك. لو أكتر، الاشتراك الثابت أوفر. وتقدر تتنقل بينهم في أي وقت من لوحة متجرك.

أسئلة شائعة

فيه تجربة مجانية؟

أيوه: ١٠ أيام و١٠ طلبات مجاناً بكل المزايا، من غير اشتراك ولا رصيد. طلبات التجربة بتوصلك كاملة بتفاصيل العميل ومن غير أي خصم. بعدها تختار باقتك وNexa تنشر متجرك، ولو ما اخترتش المتجر بيتقفل لحد ما تكلّمنا وبياناتك محفوظة.

فيه رسوم على كل طلب؟

في باقة الـ ١٪ بيتخصم ١٪ من قيمة منتجات كل طلب. في الباقة الأساسية لأ: الاشتراك ثابت ومن غير أي خصم.

بدفع إزاي؟

من لوحة متجرك ← «الاشتراك والرصيد»: تحوّل على InstaPay أو محفظة أو تحويل بنكي وترفع صورة التحويل، وفريق Nexa بيأكد ويفعّل الرصيد أو الاشتراك.

أقدر أغيّر الباقة؟

أيوه في أي وقت: من باقة الـ ١٪ تدفع الاشتراك، ومن الأساسية تشحن رصيد. رصيدك بيفضل محفوظ.

محتاج أعرف برمجة؟

لأ خالص. كل حاجة بالعربي ومن الموبايل، والتصميم جاهز حسب نشاطك، وفريق Nexa معاك على واتساب في أي خطوة.